Inslulina për fëmijë në Pejë gjatë COVID-19

28.05.2020 - 11:00

Gjatë Pandemisë COVID-19 në Kosovë, shumë familje u përballën me vështirësi financiare për të siguruar terapitë mjekësore për të dashurit e tyre. Një rast i tillë ka ndodhur edhe me sigurimin e insulinës për fëmijët në rajonin e Pejës, Kosovë.

 

Kur shpërtheu pandemia e virusit Corona, spitali njoftoi familjet se komuniteti nuk mund të sigurojë më fonde për të blerë insulinë në këtë kohë. Kjo ishte një tronditje për familjen Hyseni  pasi që babai dhe një djalë janë të varur nga insulina dhe nuk ishte e qartë se sa do të zgjaste pandemia.

“Insulina është shumë e shtrenjtë në Kosovë. Ishte e vështirë për familjen tonë ta financojë atë sepse babai im gjithashtu ka diabet dhe ka nevojë për insulinë. Në shtëpinë tonë kemi nevojë për më shumë se 15 pen  injeksione të insulinës në muaj”, – shpjegon njëri nga të afërmit.

Të dy prindërit e kësaj familje punojnë si mësues dhe djali i madh punon si  kamerier. Dy adoleshentët e tjerë të rinj janë ende duke shkuar në shkollë.

“Për fat të mirë, Asociacioni i të Sëmurëve me Diabet në Pejë ishte në gjendje të na ndihmojë. Ata arritën të organizojnë insulinë për farmacinë spitalore. Ishte një lehtësim i madh për ne” – thotë vajza e kësaj familje.

 

ASD Peja – shoqata e diabetikëve morri përsipër që të ndihmojë në këtë të situatë. Komunitetit i mungonin mjetet financiare për të furnizuar pacientët me insulinë për dy muajt e ardhshëm.

Shoqata iu drejtua partnerit të saj të gjatë Solidar Suisse, duke kërkuar ndihmë financiare në mënyrë që 70 fëmijë me diabet të mund të merrnin insulinë e tyre gjatë kësaj kohe. Shoqata organizoi blerjen e insulinës, si dhe shpërndarjen e saj në barnatore në qendrat e mjekësisë familjare në Pejë.